Which programming language Should I Choose? (Beginner’s Guide)

Assalam U Alaikum  Dosto! Jesa k aapne mere pehle article Learn Programming/Coding Using Smartphone (for beginners) parha hoga k as a beginner aik student ko kiya kiya mushkilaat aati hen programming language seekhne ma or uska solution bhi bataya tha us article ma or ager aapne nahi parha to Given Link par visit kren.How to Choose programming language

How to Choose programming language

Dosto programming seekhte hue as a beginner aksar students confuse hotay hen k hame konsi programming language seekhni chaaye or konsi nahi or isi confusion ma yaa to ham seekhte nahi hen yaa to phr ager programming language seekh bhi rahen hen to divert hote rehte hen dusri programming languages ki tarf. Yeh mushkil mene khud bhi face kari thi jab ma software engineering ki field ma enter hua lekin ALLAH ka shukar hay bohat bohat mujhe proper guide karne waale mil gae. Lekin aap na umeed mat hoen kuch ko Allah ne jald or sahi faislay lene ki khoobi se nawaza hota he kuch ko time lagta hy sahi faisla karne ma. Isiliye jo koi bhi beginners confuse rehte hyn programming language seekhne ki selection ma, umeed karta hoon unko yeh article help karega.

Listed Problems someone faced while choosing programming language as a Beginner

  1. Mind divert hota he k mere classmates koi or programming language seekh rahe hen ma koi or seekh raha hoon kya ma sahi direction ma hoon?
  2. Job k hawale se pareshaan hona k mujhe is programming language seekhne se job milegi ya nahi?
  3. Koi aesa topic ajae programming language seekhte jisma mushkil pesh arahi ho or aap exhaust ho k usko seekhna hi bandd krden.

Or bhi bohat saari isi tarha ki problems aati hen yeh to woh 3 problems discuss ki hen jo commonly beginners face karte hen or mene bhi face ki hen.

How to overcome these problems (My Solution)

Doston sabse pehle aap ma se beginners chaahe who University ma proper computer science ya software engineering ki degree le rhe hon ya diploma karr rhe hon kahin se BSIT ya proper 4 years ka diploma jsma aapke semester system hota he usma aapko sabse pehle C++ ya C language se introduce karaya jaata hay shuru ma to jab sabse phle Hello World ka program print karte hen to bari khushi milti hay lekin jab loops aate hen to dimagh or dil dono jawab dedete hen programming tmhare buss ki nahi chordo. Yehi mere sath bhi hua lekin ma 2-3 ghante lagadeta tha 10 lines ka program samajhne ma lekin chorta nahi tha yehi advice ma aapko bhi dunga. Ager aapko samjh nhi araha to friend ya teacher se help len ager aap future ma programmer banna chaahte hen. As a carrier ap C++ ko bhi aage continue kar skte hen lekin Pakistan ma iski jobs kamm hen baaki technologies k comparison ma. Uske baad ammoman Csharp ya Java parhaayi jaati he dono ka taqreeban same syntax he lekin java hardware programming ma zaada help karti he aapke paas as compare to Csharp. Or isi tariqe se silsila chalta rehta he mukhtalif programming languages aati jaati hen or mind divert hota rehta he as a beginner. Doston yahan pe rukk jaaye or confuse hona chordijiye issay pehle aap k diploma ya University complete hojaae or aap seekh kuch na sake hon.

Solution to Problem 1:

Doston sabse pehle jab semester wise aapko koi programming language code krte hue maza aaraha ho ya aapko burden feel na hota ho apne ooper to usko choose krlen or usi pe focus rkhen university complete hone takk Inshallah job aapko mil jaaegi chaahe puri class kuch bhi seekh rahi ho. Jab aapki aik programming language pe grip hojaegi proper to aapko doosri programming language seekhne ma problem nahi aaegi apko buss syntax dekhna hoga or implementation code ki. Ma suggest karunga aap Csharp ya Java pick Karen or unpe grip achi Karen Inshallah aapki grip achi hone k baad kisi doosri programming language seekhne ma mushkil nahi aaegi.

Solution to Problem 2:

Kyun k abhi as a beginner aapke seekhne ka amal he ager to aapke paas diploma ya university complete karne ma time he to koi bhi programming language pe grip achi krlen uske baad dusri programming language pe switch krne ma aapko time nahi lagega. Ager to aapke paas time kamm he aapka 3rd year ya Final year hay apne teachers se guidance len market k hawale se konsi programming languages in hen market ma commonly jo Pakistani markets ma kaam horaha hy woh .NET, Java and PHP pe horha he to aap inma se bhi choose karsakte hen.

Solution to Problem 3:

Ager aapke paas seekhne k amal ma koi aesa topic aa bhi jaae jo aapke samajh na araha to umeed na choren usay apne friend ya teacher se dubara samajhne ki koshish kren. Youtube ya dusray tutorials websites pe us topic pe samjhne ki koshish Karen q k different persons ka different style hota he convey krne ka. Mumkin he aapko 10 bando ma se ksi ek ka to samajh aa hi jayega.

Conclusion:

Doston last ma is article ko is tariqay se conclude karunga k programming language koi se par bhi aap choose Karen lekin dusri programming laguages or unkay tools ki know how rkhen q k bohat dafa aesa scenario aate hen k jis programming language par aapki grip hoti he uspe koi task mushkil se horha hota he ya cost or time zaada lagta he lekin wohi kaam dusri programming languages unke proper tools honay ki waja se kaam asaan or jaldi hojaata he or time bhi bachti he or cost bhi. Iski Example ma aapko aese dunga Departmental stores to aap sab hi gaye honge wahan pe POS softwares sab stores k paas hen taqreeban ab woh software ager aap java pe code kren to aapko mumkin he time lag jaaye q k java k editor aapko tools itne provide nahi karta jitna Visual Studio provide karta he to isma time ko bachaane k lye best option yeh hoga k aap Csharp pe usay bnaalen.

Aik advice or dunga ager aap research ya masters krne ka iraada rkhte hen to python seekne ki liye best choice he q k jese jese time guzar raha he har machine ma Artificial Intelligence ka istemaal horha he or python Artificial Intelligence ko implement karne ma best choice he.

Umeed karta hun yeh aapki help karega isay share kren apne friends se ya harr us bande se jo in problems ma he jo is article ma discuss ki gayi hen.

About Muhammad Affan Shaikh

.NET developer with a passion to make Pakistan number 1 in IT industry!

Last updated by at .

Scroll To Top
wordpress stats plugin