What’s Rooting? Some Advantages and Disadvantages in Urdu

What is Rooting?

Root ki term android operating system k mutaliq use ki jati hai, Jis ka lafzi matlab “Jarr” hai. Istlah me rooting ka matlab ye hai k kisi bi android mobile k operating system ki jarr ya base tk access kar lena. Jis k bad ap k pas apny android phone ka mukammal control aa jata hai. Is ki example esy hi hai jesy ap apny computer me as an administrator login karty han to sara control ap k pas hota hai, ap kisi bi file ko delete kar sakty han, software ya hardware ko update ya upgrade kar sakty han.what's rooting in Urdu Advantages and disadvantages of rooting
To dosto ye to thi rooting, ab hum dekhty han k rooting k faidy or nuqsanaat kai kia hain.

Disadvantages of Rooting:

1. Rooting ka pehla nuqsan to ye hai k rooting k bad ap k mobile phone ki warranty khatam ho jati hai, kyun k mostly mobile phone companies rooting ko support ni kartin jesa k; Samsung, LG, Sony, Motorola waghera. In companies k mutabiq jab ap rooting karty han to ap apny mobile k sath kuch bi garbar kar sakty han, Is liye rooting k bad ye companies kisi qisam ki responsibility ni letin. Lekin kuch Chinese companies jesy k xiaomi or oneplus waghera rooting ko support karti han is liye ye companies rooting k bad bi mobile ki warranty void ni kartin.

2. Rooting ka doosra nuqsan ye hai k kisi bi company ka rooting ka koi official method ni hai, Log different companies k mobile root karny k liye apny tor par bohut se software or apps use karty han, Jis ka process to simple hota hai lekin rooting k doran koi ek choti si bi mistake ho jae to ap ka mobile kisi kam ka ni rahta. Ye esy hi ho ga jesy bgher windows ya kisi bi other operating system k bgher computer hota hai. Han… ap apny mobile me dobara operating system install karwa sakty han lekin ye kam aam user k bas ka nahi hai.

3. Rooting ka teesra nuqsan ye hai k root karny bad ap k mobile ki koi khas security ni rehti, Jis ka matlab ye hai k agar aap khud apny phone k sath kuch bi kar sakty han to koi hacker bhi ap k phone ko hack kar k is me koi virus dal sakta hai. Rooting ka matlab hi ye hai k ap ne android shield ko tor diya hai, Esi condition me ab ap k phone ki security android ki dimadari nahi rae, ab apny phone ki security ap ko khud karna ho gi. wesy aam tor par to esa koi issue ni hota, lekin bohut se hackers ne apps create kar k net par di hoe han, agar ap ne esi koi app phone ko root karny k bad install kar li to ap ka phone hacker k control me chala jae ga or wo ap k phone se kuch bi kar sakta hai.

4. Rooting ka chotha nuqsan ye hai k root karny k bad ap android k official update version install ni kar sakty, kyun k rooting ka maqsad hi ye hota hai k ap apny phone me kisi feature ki kami mehsoos kar rae han, Jis ko poora karny k liye ap phone ko root kar rae han to esi condition me apny phone ka version bi ap ko manually hi update karna parhy ga.

To dosto, Ye rooting k disadvantages thy, Agar ap ko in ki parwa ni hai to phir ap rooting kar sakty han, Jis k bohut se faidy bi han, to aaye is k aidy bi dekh lety han.

Advantages of Rooting:

1. Rooting ka sub se pehla faida to yehi hai k ap apny phone k super user ban jaty han, Jis k bad ap apny phone k sath kuch bi kar sakty han. Aaj kal playstore me Bohut si useful apps esi han jo rooted phone ko support karti han, bgher root k ap wo apps use ni kar sakty. Root karny k bad ap in apps k through bohut se impossible kam bi sakty han.
Automation ki bat ho, processor overclocking, battery timing ko increase karna ho ya sleep time ko, Its mean k ap apny phone me koi bi changing kar sakty han.

2. Rooting ka doosra faida ye hai k root karny k bad ap apny phone me kisi bi operating system ka koi bi version install kar sakty han, Isi tarha company ne by default phone me jo Operating System install kia hai us me koi bi changing kar k usy customize kar sakty han. Jab ap Samsung ka new mobile len to ap janty han k us me bohut si apps esi hoti hain jo kisi kam ki ni hotin to ap esi kisi app ko uninstall kar sakty han, playstore jesi app ko remove kar den, phone storage ko increase kar sakty han, even k phone ki basic setting ko bi change kar sakty han. Esa karny se phone ki performance bohut zyada behter ki ja sakti hai.

3. Rooting karny ka teesra faida ye hai k ap original android use karny ka maza le sakty han ya android k custom roms install kar sakty han, kyun k aam tor par ap kisi company ka mobile buy karty han to us me company ne android k bohut se features ko customize kar k add kia hota hai ta k un ka mobile doosri companies k mobile phones se different lagen. Overall ye hai k rooting karny k bad ap k pas apny mobile ka full control aa jata hai, ap original android OS bi use kar sakty han or chahen to android ka koi custom rom install kar sakty han.

Conclusion:

To Dosto! ab ap ye soch rahy hon ge k ap ko bi apna phone root karna chahye ya nahi, To me clear kar doon k ye sub ap ki requirements or abilities par depend karta hai k aap rooting kis purpose k liye karna chahty han kyun k bohut se esy kam jo aaj se 3, 4 saal pehly sirf rooted phone se hi possible thy, ab wo unrooted cell phones se bi kiye ja sakty han, Jis ki waja ye hai k Google har saal android k new versions launch karta rehta hai, jesa k 2009 me android ka first version Cupcake aaya, Jo ek basic version tha, 2011 me ice cream sandwich or phir 2, 3 salon me jelly bean, kitkat or lollipop aae. Is time aksar android phones me Google ka new version marshmallow or Nougat chal rha hai.
Android k latest versions k through ab bohut se kam officially kiye ja sakty han jo pehly unofficial thy.
Doosri bat ye hai k root us waqt karna chahye jab ap k andar itni abilities hon k ap apny mobile ko root karny k bad behter performance de saken.
Lekin agar ap esa ni kar sakty to, I think k rooting k liye ni hai, Ap ko just wait karna chahye k Google koi new update de, Jis k through ap apni marzi ka task poora kar saken.

To dosto! Muje Umeed hai ap ko ye post pasand aae ho gi, Apni rai se hamen zaroor agah karen. Agar rooting k doran koi problem ho to comment me poch sakty han.

About Tayyib Ahsan

Tayyib Ahsan a Young System Support Engineer, Professional webmaster and SEO expert, Seeking knowledge to Improve His Own Experience with a Goal to Educate Others in Easy Roman Urdu Language. Read More About Me at my personal page. You Can Follow me at:

Scroll To Top
wordpress stats plugin