How to Save your Child from Online Luring

Assalam U Alaikum Dosto!

Jese jese time guzarta jarha hy technology ma improvement aati jarahi hy chaahe wo mobile phones ho cars hon ya koi bhi daily use ki machinery. Isi tarha aaj se ager ham 5 ya 6 years back chale jaaen to smartphone logay k paas na honay k baraber tha or jinke paas thay bhi to who baray ehtiyat se sambhaal k rakhte tha.Jese Jese smartphone k istemaal honay ma izaafa hua isi tezi k saath online social media platform bhi aaye, So You should know How to Save your Child from Online Luring.Save your Child from Online Luring

Save your Child from Online Luring

Aapko bohat families aesi bhi milengi jinho ne apne bachon ko choti umar ma hi smartphone istemaal k liye dediye k bachay unko tangg na karay ya laad piyaar ma ab jab smartphone us k paas agaya hy to zahir he woh internet k bagher to reh nhi skega or mukhtalif social media applications jese facebook, Instagram , Snapchat wghera use krega apne friends se communicate krne k lye. In social platform ko use karne ma koi buraai nahi lekin in social platform ma aese bhi loug maujood hote hyn ko aapke bachay ko nuqsaan phonchaa sakte hen. Chale jaante hyn Online Luring hy kya or  kese aap apne bachay ko is se bachaa sakte hyn.

What is Online Luring?

Online luring ko is tarha se ma explain karunga k aesa internet k zariye amal jsma bachay ko trick kyaa jaata hy amooman kisi cheez ka lalach de kar k who apni safety places jese k school ya ghar chorh de taake usay kidnap ya sexually abuse kya jaa sake.

How to protect your child from Online Luring?

Experts k mutaabiq sabse behtat tariqa to to yeh hy k aap apne bache ki online activity pe nazar rakhen.

Uskay ilawa kuch tariqe or bataa raha hun jinpe aap amal karke apne bachon ki hifaazat kar sakte hyn.

  • Ager to aap ka bacha 13 saal ya ussay chota hay to usay social media kisi soorat ma use na karne den or ager bara hy 13 saal se to usay proper guide kren Online Luring k hawale se smartphone dene se pehle.
  • Uskay ilawa aap restrictions bhi set kar sakte hyn smartphones ma apps par jo k aap chahte hyn apka bacha use na karay.
  • Ager to aapko emergency ma apne bachay ko mobile phone dena hy ghar se door ya hostel ma hone ki surat ma to behtar hy smartphone na den. Nokia k old and new mobile phones abhi bhi available hyn market ma jinma text messaging and call hosakti hy.
  • Kid friendly tablets available hyn market ma jese Amazon Kindle fire for kids and Verizon GizmoTab woh purchase kar k de sakte hyn aap apne bachay ko.
  • Or Different Companies hyn jo k aapke bache ko Online Luring se bachaa sakti hyn lekin monthly/yearly basis per charge karti hyn jese FamilyTimePremium, Net Nanny and QuoStodio.

Conclusion:

Doston is article ko ma is tarha conclude karunga yeh jitni baaten mene ooper kee yh to hogaen ehtiyati tadabeer ek tariqe se ager dekha jaae sab se barh kar baat he k aap apne bachay se friendly relation banaae ab ma khud bhi is cheez ko feel karta hun apne aas paas ki families ma dekhen k bache se jaan churaate hen aaj kal k maan baap jahan roya usko mobile ya tablet dediya internet on kar k ab kch nh pta who kya karr rha hy. Ager waqai ma aap apne bache se mohabbat karte hyn to ussay friendly relation banaaen ussay apne pura din ki kahaani or ussay uske puri din ki kahaani sunay q k jese jese aapka bacha bara hota jaata he uske strangers e communicate krne ka ratio barh ta jaata he.

Allah Hum sab k bachon ko apne hifz o amaan pe rakhe. Umeed karta hoon aapko yeh article pasand aaya hoga is ko share Karen friends and families ma because sharing is caring!.

About Muhammad Affan Shaikh

.NET developer with a passion to make Pakistan number 1 in IT industry!

Last updated by at .

Scroll To Top
wordpress stats plugin